7 800 oryndyq jańa bes mektep salynady.
Alataý aýdanyndaǵy mektepterdegi oryn tapshylyǵyn azaıtý úshin bıyl jyldyń sońyna deıin Alataý aýdanynda 7 800 oryndyq 5 jańa mektep salynady. Bul týraly qala ákimi Erbolat Dosaev aýdan turǵyndarymen kezdesý barysynda aıtty, dep habarlaıdy Almaty-akshamy.kz.
«Sondaı-aq, biz "Saıaly-2" jáne "Zerdeli" shaǵynaýdandarynda árqaısysy 550 oryndyq taǵy 2 mekteptiń qurylysyn bastaýdy josparlap otyrmyz. Búgin "Saıaly-2" boıynsha merdiger uıymdy anyqtaý úshin konkýrs jarıalandy. Qurylys jumystary qyrkúıek aıynda bastalyp, 2023 jyldyń qarasha aıynda aıaqtalady»,- dedi Erbolat Dosaev.
Ákimniń aıtýynsha, "Zerdeli" shaǵynaýdany boıynsha jobalaý-smetalyq qujattama osy jyldyń qyrkúıek aıynda aıaqtalady. Jumystardy 2023 jyldyń naýryzynda bastap, 2024 jyldyń tamyz aıynda aıaqtaý kózdelip otyr.