Jaratylystaný ǵylymynyń qupıasy tuńǵıyq,
Kóz jetpeıtin munarasy tym bıik
Jaratylys týraly bilim berý, ásirese tabıǵat tósinde, tabıǵatpen etene ómir súrgen Uly dalany mekendegen halyqtyń urpaǵy retinde bizderge erekshe jaqyn. Bilim alýshylarǵa jartylystaný biliminiń tereńdigi men mańyzdylyǵyn túsindirip, olardyń pánderge degen qyzyǵýshylyqtaryn arttyrý maqsatynda Almaty qalasy, Jetisý aýdany №177 jalpy bilim beretin mektepte «Jaratylystaný ǵylymdarymen bolashaqqa» taqyrybynda 12-16 aqpan aralyǵynda jaratylystaný, hımıa, bıologıa, geografıa pánderi muǵalimderiniń uıymdastyrýymen aptalyq ótti.
Aptalyq jospary aldyn ala usynylyp, ótetin ashyq sabaqtar men is-sharalar ýaqyty belgilendi. Aptalyqqa oqýshylarmen qatar ustazdar da belsene qatysty. Mysaly Ahmethanova Indıranyń «Energıa túrleri men kózderi» taqyrybyndaǵy ashyq sabaǵy jańashyldyqqa tunǵan sabaq boldy. Hımıa pániniń muǵalimi Nurǵojaeva Ardaq 10-synyptaǵy «Gomologtyq qatar. Alıfatty qosylystardyń IUPAC nomenklatýrasy» sabaǵynda qyzyqty oıyndardy tıimdi qoldana otyryp, oqýshylardy sabaqqa qyzyqtyra bildi. Bıologıa pániniń muǵalimi Nartbaeva A. óz sabaǵynda "spinthewheel.io"; "mentimeter" sıfrly platformalaryn qoldaný arqyly sabaq maqsatyna jete bildi. Geografıa páni muǵalimi Sársenova Aınur «Tabıǵı-aýmaqtyq keshenderdiń túrleri» taqyrybyndaǵy sabaǵynda oqýshylarǵa juptyq, toptyq jumystar oryndatyp, óziniń joǵary deńgeıdegi bilimi men balalardyń izdenimpazdyǵyn baıqatty. Hımıa pániniń muǵalimi Abylhanova Almıra «Hımıalyq elementterdiń tabıǵı toptary» taqyrybyndaǵy ashyq sabaǵynda oqýshylar sabaqqa belsendi qatysty, ustaz óz bilimin tereń jetkize aldy. Geografıa pániniń muǵalimi Alımbaeva Gýlzınat «Demografıalyq saıasat» taqyrybyndaǵy ashyq sabaǵynda muǵalimniń biliktiligi men bilimdiligin baıqadyq. Sonymen qatar ustazdar Baıbatshanova A., Ahmetova S, Jıdebaeva A. Sabaqtarynda qoldanǵan ádis-tásilderi joǵary deńgeıde baǵalandy. Joǵaryda atalǵan ustazdarymyz ashyq sabaqtarymen qosa, synyptan tys is-sharalar men kóńildi úzilisterdi uıymdastyrdy. Barlyq is-sharalar joǵary deńgeıde, jaýapkershilikpen ótti.
Qytaı fılosofy Konfýsıı «Maǵan aıtyp berseń – umytyp qalamyn, kórsetseń – este saqtaımyn, ózime jasatsań – úırenemin» degendeı synyptan tys ótken sharada oqýshy oqý júıesin túsinip, qabyldady, is-áreketke belsendi qatysty.
Qorytyndylaı kele aıtarym «Jaratylystaný» pánin oqý barysynda oqýshylardyń boıynda baqylaý ádisi, zertteýdi josparlaý, derekterdi alý jáne usyný daǵdylary damıdy. Jaratylystaný pánin oqytý arqyly jahandaný dáýirinde jastardan ǵylymı turǵyda oılaıtyn oı-órisi joǵary, izdenimpaz tulǵa tárbıeleımiz.
Nygyzbaeva Raýshan, Almaty qalasy, Jetisý aýdany №177 jalpy bilim beretin mekteptiń bıologıa páni muǵalimi