Almaty qalasy Alataý aýdanynda saılaýshylarǵa arnaıy syılyqtar berilip jatyr.
Saılaý ýchaskesinde kámelet jasyna tolyp, alǵash ret daýys bergeli otyrǵan elimizdiń jas azamattary da, jaısyz aýa raıyna qaramastan, daýys berýge kelgen qarıalar da nazardan tys qalǵan joq. Olarǵa da tartý-taralǵylar jasaldy.
«Bul - bizdiń azamattyq boryshymyz. Biz elimizdiń bolashaǵyna úlken senim artamyz», - deıdi búgin aýa raıy kúrt buzylǵanyna qaramaı, daýys berýge kelgen Alataý turǵyny Janbolat Temirǵalıev.
Jalpy, aýdannyń saılaý ýchaskelerinde otbasymen kelgen daýys berýshilerge de arnaıy syılyqtar qarastyrylǵan. Olardyń alǵashqylary turǵyndarǵa berilip te úlgerdi. Aýdan boıynsha osyndaı barlyǵy 20-ǵa jýyq syılyq beriledi.
Aıta ketken jón, árbir sátti daýys bergen júzdikti tolyqtyratyn saılaýshylarǵa da (100-shi, 200-shi jáne t.b) arnaıy daıyndalǵan syılyqtar bar.