Erlan TİLEÝİMBETOV, Djıý-djıtsýdan eńbek sińirgen sport sheberi:
Saılaýdyń mańyzy joǵary. Sondyqtan daýys berýge keldik. Halyq qamyn oılaıtyn depýtat tańdalady dep senemiz. Halyq senim artqan depýtattar adal jumys istese, saılaýaldy baǵdarlamasyn túgel oryndasa eken. Minekı, sol ýaqytta is ónedi.
Saılaýshylardyń údesinen shyǵý mańyzdy. Depýtat tek qana halyqqa qyzmet jasaýy kerek. Dáp qazirgi sátte eldiń múddesi bárinen bıik turýy tıis.
Búginde sportshylar da Parlamentke úmitker bolýda. Solar da ótip, sportty qarjylandyrý, buqaralyq sportty damytý salasyna den qoısa eken. Óz salam boıynsha oı qozǵaıyn. Jarystarǵa shyǵý, bapkerdiń jalaqysy, sport keshenderin salý jaǵyn qolǵa alý qajet. Bul taraptan istelinip jatqan izgilikti ister barshylyq. Osyny toqtatpaı, sport salasyn damytsa degen tilegimiz bar. Sol maqsatpen osy saılaýǵa atsalysyp, tańdaýymyzdy jasadyq.