Elimizde ótetin bedeldi álemdik týrnır «Qazaqstan barysy Grand Slam» degen ataýǵa ıe boldy
Bul ataýdy Qazaqstan dzúdo federasıasynyń basshysy usynǵan, dep habarlaıdy Almaty-akshamy.kz Elorda.info saıtyna silteme jasap.
Álemdik alaman dodaǵa bul ataý qalaı tańdalǵanyn redaksıa tilshisi Beıjiń Olımpıadasynyń kúmis júldegeri, Qazaqstan dzúdo federasıasynyń bas hatshysy Asqat Jitkeevten suraǵan bolatyn.
«Bul ataýdy Qazaqstan dzúdo federasıasynyń basshysy usyndy. Qazaq kúresinen «Qazaqstan barysy» degen ataýmen ótetin jarys bar. Qazaqstan barysy degen ataý búginde brendke aınaldy. «Beldesý», «Barys» degen sıaqty ataýlardyń túrli reńkke enip, ózgerýinen shyqqan «Qazaqstan barysy» degen brend ataý álemdik sport arenasyna shyǵary anyq. Bul ataýdy usynýdaǵy maqsatymyz – qazaq sportyn, onyń ishinde qazaq dzúdosyn álemdik sport álemine pash etý. IJF bizdiń bul ıdeıamyzdy qoldady», - dedi federasıanyń bas hatshysy.