Báseke 19 aqpanǵa deıin jalǵasady
Dzúdodan Qazaqstan quramasy Tel-Avıvte (Izraıl) ótip jatqan álemdik Grand Slam dodasyn sátti bastady, dep habarlaıdy Almaty-akshamy.kz Olympic.kz silteme jasap.
Qazaqstan quramasy jarystyń alǵashqy kúninde eki medal utyp aldy. 60 kelige deıingi salmaq dárejesinde otandyq qos dzúdoshy jeńis tuǵyryna kóterildi. Atap aıtqanda, Baýyrjan Narbaev jarystyń kúmis júldesine ıe bolsa, Maǵjan Shamshadın qolany qanaǵat tutty.
Baýyrjan Narbaev fınalǵa deıin qarsylas shaq keltirmeı, tórt kezdesý ótkizdi. Al jarystyń fınalynda ýkraınalyq Artem Lesúkpen kezdesti. Ekeýara kezdesý ókinishke qaraı, otandasymyzdyń qarsylasynyń enshisine sheshildi.
Aıta keterligi, 66 kelide synǵa túsken Ǵusman Qyrǵyzbaev qola júlde úshin beldesýde Ýkraına sportshysy Bogdan Iadovqa ese jiberdi.
Tel-Avıvte ótip jatqan baıraqty báseke 19 aqpanǵa deıin jalǵasady.