Bul qazaqstandyqtardyń kóp bóligi qolma-qol aqshasyz esep aıyrysýdy jón kóretinin bildiredi.
Elde sońǵy 5 jylda onlaın-bankıng, ıaǵnı qarjy ınstıtýtarynyń qyzmetin qashyqtan paıdalaný kórsetkishi 60% ósken. Ranking.kz portaly sarapshylarynyń pikirinshe, bul eń aldymen qajylyq tehnologıalardyń damýymen tikeleı baılanysty, dep habarlaıdy Almaty-akshamy.kz
İshki naryqtaǵy kompanıalardyń deni qazir bar úrdisti avtomattandyryp, qyzmetteri men tól ónimderin onlaın usynýǵa kóshken. Tutynýshylarǵa da qarjyny sheship álek bolǵannan góri qajettisin onlaın-bankıng arqyly júzege asyrý tıimdirek. Ýaqyt pen jol mashaqatyn sheshýmen qatar, bonýstar men arnaıy usynystar beriledi. Búginde árbir azamat keminde 4 onlaın júıeniń qyzmetin kádesine jaratyp júr.
«Onlaın-bankıng qyzmetin paıdalanýshylar sanynyń artýy oryndy jaǵdaı, sebebi bul – zaman talaby. Bul búginde barlyq úrdisti sandyq júıege keltirýdiń aıasynda oryn alyp otyrǵany belgili. Sebebi qandaı da bir sektordy alyp qarasaq ta, sıfrlandyrýǵa kóshý keshendi túrde qolǵa alynǵan. Qazir mobıldi qyzmetti, onyń ishinde keńjolaqty ınternet jelisin paıdalanatyn adamdardyń qatary artyp keledi. Bul – óte mańyzdy kórsetkish. Byltyrdyń sońynda ondaı adamdardyń sany 17 mıllıonǵa jýyqtaǵan. Sondyqtan sıfrlandyrýdyń mańyzy zor jáne qajettiligi kúnnen kúnge artatyny sózsiz», - deıdi ekonomıs Sergeı Domnın.