Baspasóz kartasy jýrnalıserdiń múddelerin qorǵaýǵa arnalǵan
Ulttyq medıa qaýymdastyǵynyń tóraǵasy Kemelbek Oıshybaev baspasóz kartasyn engizýdiń qandaı artyqshylyǵy bar ekenin aıtty, dep habarlaıdy Almaty-akshamy.kz BAQ.KZ-ke silteme jasap.
"Mass-medıa týraly" zań jobasy qoǵamda qyzý talqylanyp jatyr. Áleýmettik jelilerde kóptegen pikir men ustanym aıtylýda.
«Baspasóz kartasyna qatysty ártúrli túsindirmeler bar. Baspasóz kartasy jýrnalıserdiń múddelerin qorǵaýǵa arnalǵan. Árıne, pres-kartany alýdyń qajeti joq, biraq kim pres-kartaǵa ıe bolsa, onyń erekshe mártebesi bolmaq. Bul birqatar múmkindikke jol ashady, onyń ishinde eldegi uıymdar, ásirese, memlekettik uıymdar qoljetimdi bolady. Bylaısha aıtqanda, jýrnalıser úshin belgili bir paıdasy bar. Bul kartany búkil jýrnalıser mindetti túrde alýdyń qajeti joq. Baspasóz kartasyn almaı-aq qyzmetin ózgelermen birge jalǵastyra alady. Alaıda, baspasóz kartasyn alý arqyly belgili bir múmkindikterge ıe bolady», - dedi qaýymdastyq tóraǵasy.
Buǵan deıin Kemelbek Oıshybaev atalǵan zań jobasyna qatysty qyzý talqyǵa túsip jatqan birneshe másele baryn atap, zań jobasyna áli de túzetýler engizýge bolatynyn aıtqan bolatyn.