Bas prokýratýra azamattardy zańnamany múltiksiz saqtaýǵa, arandatýshylyqqa boı aldyrmaýǵa, jalǵan habarlamalarǵa den qoımaýǵa jáne resmı aqparat kózderine ǵana senýge shaqyrdy, dep habarlaıdy almaty-akshamy.kz vedomstvonyń saıtyna silteme jasap.
«Sońǵy kezderi BAQ pen áleýmettik jelilerde arandatýshylyq jáne jalǵan materıaldardy taratý jaǵdaılary jıilep ketti. Mundaı aqparattyq habarlar vaksınalaý men bosqyndardyń kelýinen bastap, til máselesine deıingi ártúrli taqyryptardy qamtıdy. Jalǵan jarıalanymdar bolyp jatqan oqıǵalardy burmalaıdy, halyqty jańylystyrady.
Mysaly, jekelegen adamdar dárigerler men ǵalymdardyń quzyretti pikirlerin elemeı, COVID-19 vaksınalarynyń qaýiptiligi men tıimsizdigi týraly negizsiz jarıalaıdy. Keıbireýler Konstıtýsıada kepildik berilgen azamattardyń quqyqtary men bostandyqtaryna – shyǵý tegine, ultyna jáne tiline baılanysty kemsitýshilikke jol berilmeıtinine ashyq túrde qol suǵady.
Sonymen qatar atalǵan quqyqtar men bostandyqtardy buzý jáne shekteý, kórineý jalǵan aqparat taratý Qylmystyq kodekstiń 145, 174, 274-baptary boıynsha qylmystyq jaýaptylyqqa ákep soǵady», delingen habarlamada.
Bas prokýratýra azamattardy zańnamany múltiksiz saqtaýǵa, arandatýshylyqqa boı aldyrmaýǵa, jalǵan habarlamalarǵa den qoımaýǵa jáne resmı aqparat kózderine ǵana senýge shaqyrady.