Tazalyq sharasy qala ákimdiginiń qoldaýymen uıymdastyryldy.
Almaty qalasynda jalpyqalalyq senbilik ótýde. Tazalyq sharasy qala ákimdiginiń qoldaýymen uıymdastyryldy, - dep habarlaıdy Almaty-akshamy.kz.
Jer-jerde belsendi jastar, turǵyndar, tanymal ánshiler tazalyq jumystaryn júrgizip, qalany kógaldandyrýǵa, aǵash egýge úlesterin qosýda. Taza aýada tań shýaǵyna bólengen senbilik qatysýshylary is-sharaǵa qatysty áserlerimen bólisti.
«Ásem Almatyda úlken senbilik ótip jatyr. Birinshiden, osyndaı sharany uıymdastyrýǵa kómektesken ákimshilikke, shahar basshysy Erbolat Dosaevqa alǵysymdy bildiremin. Bul óte jaqsy bastama, jyl saıyn ótkiziledi. Almaty jasyl jelegimen erekshe qala. Biraq almalarymyz azaıyp bara jatyr. Biraq ǵylym arqyly bul máseleni sheship, Almaty degen atymyzdy qaıta shyǵara alamyz dep senemin. Endi men qala turǵyndary men azamattardy tek uıymdastyrylǵan senbilikte ǵana jınalmaı, ózderi de bas qosyp, kórshiler bolyp, úı mańynda tal egýge shaqyramyn. Jyl saıyn adamdar osylaı aǵash egip tursa, bizdiń qalamyz odan saıyn kórkeıedi», – dedi QR eńbek sińirgen ártisi Baqtıar Taılaqbaev.
