Búgin Almaty qalasynda jalpyqalalyq senbilik ótýde. «Jumyla kótergen júk jeńil» demekshi, rýhanı shahardy tazartý men kógaldandyrýdy kózdeıtin sharaǵa qoǵam qaıratkerleri men tanymal ánshiler, qala turǵyndary jáne eriktiler belsene atsalysty.
– Bizdiń ujym bul senbilikten qalys qalmaýdy jón sanady. Turǵyndarǵa tegin sý, qolǵap, jeıde taratyldy. Senbilik 15 mınýttyq boı sergitter jattyǵýlarmen bastaldy. Kelgen adamdar aldymen kóshetterdi otyrǵyzdy, keıinirek qoqystardy qaptarǵa jınady. Osylaısha, jasyl jelekti kóbeıtip, aýlany tazartýdy qolǵa aldy.
«Aǵash otyrǵyzý – saýapty is» demekshi, ár turǵynnyń belsene aralasqany kóńil qýantady. Qalamyz kórkeıip, jasyl jelekke oranǵanyna kúsh salýmyz kerek. Aldaǵy ýaqytta qalamyzda osyndaı zamanaýı jalpyqalalyq senbilikter únemi uıymdastyrylady degen senimdemin, – dedi «Posadiderevo.kz» uıymynyń ókili Danıar Joldasbaev.