Bul týraly Qarjy vıse-mınıstri Erjan Birjanov málimdedi.
Ókiletti organdar bankrottyqqa ótinish bergen azamattyń otbasy músheleriniń de jeke múlki men tabysyn tekseredi, dep habarlaıdy Almaty-akshamy.kz
«Bankrottyq prosedýra kezinde biz azamattyń múlki, otbasynyń múlki nemese qaryzy, basqa da aktıvteri boıynsha barlyq maǵlumatty jınaımyz. Eger de bankrottyq kezinde jalǵan aqparat usynǵany nemese óz múlkin otbasy múshesine aýdarǵany anyqtalsa, álgi azamat bul prosedýradan ótpeıdi. Sondyqtan biz bankrottyqqa ádeıi ótinish berý prosedýrasyn toqtatý úshin barlyq aqparatty jınaımyz», - dedi Erjan Birjanov.
"Mysaly, áıeliniń avtokóligi bar delik, eger kúıeýi bankrottyqqa tapsyrsa, ortaq múlikke ne bolady?" degen suraqqa:
«Óte durys aıtasyz. Eger nekeleskennen keıin erli-zaıyptynyń ortaq múlki bolsa, bul múlik bankrottyq prosedýrasy kezinde ótinish berýshiniń qosymsha aktıvi retinde sanalady, tekseriledi. Mysaly, avtokólikten basqa jekemenshik páteri nemese úlesi bolsa, ol qaryzyn tóleýge múmkindigi bar azamat retinde qarastyrylady. Bankrottyqqa ótkizilmeıdi», - dep túsindirdi vıse-mınıstr.
Bankrottyqqa ótinish berý 3 naýryzda bastalady.