Qala jáne óńir ákimdikteri jergilikti sport basqarmalarynyń jumysyn jiti qadaǵalaýlary kerek. Bul týraly Mádenıet jáne sport vıse-mınıstri Serik Jarasbaev málimdedi, dep habarlaıdy Almaty-akshamy.kz Elorda.info-ǵa silteme jasap.
Búgin Prezıdent Qasym-Jomart Kemelulynyń tapsyrmasyna sáıkes, Mádenıet jáne sport vıse-mınıstri Serik Jarasbaevtyń tóraǵalyǵymen memlekettik sporttyq tapsyrys boıynsha onlaın formatta jınalys ótti. Qalalar men óńir ákimderiniń orynbasarlary qatysqan jıynda balalar sportyn qarjylandyrý máselesi qaraldy.
Serik Maratuly memlekettik sporttyq tapsyrys boıynsha qyzmet kórsetýshilerge tólenbegen qarajattarǵa jáne 2022 jylǵa bólingen qarjyǵa toqtaldy.
«Balalar sportyn qarjylandyrý baǵdarlamasy boıynsha aryz-shaǵymdar óte kóp. Olqylyqtyń bary da jasyryn emes. Árbir shaǵymǵa jeke toqtalyp, jumys júrgizetin bolamyz. Qala jáne óńir ákimdikterinen jergilikti sport basqarmalarynyń jumysyn jiti qadaǵalaýlaryn suraımyz. Joba jalǵasyn tabady. Balalar sportyn, buqaralyq sportty damytý basty maqsatymyz ekenin taǵy bir esterińizge salamyn», - dedi Serik Maratuly.
Sondaı-aq vıse-mınıstr óz sózinde atalǵan joba aıasynda ákimdikter tarapynan qosymsha qarjy bólinip, qyzmet kórsetýshiler jáne ata-analar tarapynan da ótinishter qabyldaý jumystary jandanatyn bolatynyn jetkizdi.
Búgingi tańda respýblıka boıynsha memlekettik tapsyrys sheńberi aıasynda sport úıirmelerinde 162 208 bala sportpen tegin negizde shuǵyldanady. Jyl sońyna deıin 352 939 balany qamtý josparda bar.