Almatyda jappaı tártipsizdik kezinde zardap shekken 15 shaǵyn jáne orta bıznes nysanyna jalpy somasy 28 mln teńge ótemaqy tólendi
Onyń ishinde 8 kásipker búdjet qarajatynan jalpy somasy 14 759 099 teńge, 7 kásipker «Jańa Alataý» qoǵamdyq qorynan jalpy somasy 13 332 639 teńge ótemaqy aldy, dep habarlaıdy Almaty-akshamy.kz QazAqparatqa silteme jasap.
Info Kazakhstan portalynyń derekterine sáıkes, 28 qańtardaǵy jaǵdaı boıynsha, zalaldy qalpyna keltirýge 923 ótinim berildi, onyń ishinde jumys isteý úshin 134 ótinim qabyldandy, 17 ótinimdi komısıa maquldady.
Almatyda zardap shekken bıznes nysandarynyń sany 1 674 (iri bıznes – 79, SHOB – 1595). Bızneske keltirilgen zalaldyń jalpy somasy 72,4 mlrd teńge (iri bıznes – 26,8 mlrd teńge, SHOB – 45,6 mlrd teńge). Buǵan deıin SHOB múliktik zıanyn anyqtaý jónindegi óńirlik komısıa 2 ótinimdi maquldady, olarǵa jalpy somasy 5 mln teńgege tólem júrgizildi.