Qazaqstan jurtshylyǵyna áleýmettik jeli arqyly jaqsy tanymal dáriger jáne telejúrgizýshi Evgenıı Komarovskıı «delta» koronavırýs shtamynyń qaýipti ereksheligin atady.
Ol óziniń Instagram-daǵy akkaýntynda osy taqyrypta post jarıalady, dep habarlaıdy Almaty-akshamy.kz
Dáriger «delta» shtamynyń basqa mýtasıalardan aıyrmashylyǵy onyń az ınfeksıalyq dozada aýrý týdyratyny dep málimdedi.
Komarovskıı: «Teorıalyq turǵydan, aýrýdyń paıda bolýy úshin vırýstyq bólshekterdiń az bolýy qajet bolǵandyqtan, «delta» aýrýdyń aýyr túrin týdyrýy múmkin», - dep jazdy.
Telejúrgizýshiniń aıtýynsha, búginde bul shtamm kámeletke tolmaǵandarǵa úlken qaýip tóndiredi degen naqtylanǵan aqparat joq.
Komarovskıı balalardy shtamnan qorǵaýdyń naqty quraldary joq ekenin basa aıtty. Dáriger ata-analarǵa páterdi únemi jeldetip, adamdar kóp shoǵyrlanatyn oryndardan aýlaq bolý kerektigin eskertti.