Erjan Babaqūmarov baıqau jeńímpazdaryna marapattardy tapsyrdy.
Búgín Almaty qalasy ákímíníń orynbasary Erjan Babaqūmarov «Mereılí otbasy» ūlttyq baıqauy qalalyq kezeńíníń jeńímpazdary – Ahmetovter otbasyn marapattady, dep habarlaıdy Almaty-akshamy.kz
Eske salsaq, «Mereılí otbasy» baıqauy otbasy, adamgershílík, ruhanıyat ınstıtuttaryn nyǵaıtu, erlí-zaıyptylar jauapkershílígíníń mańyzyn túsínu jáne ata-analardyń bala tárbıeleudegí jauapkershílígín arttyru, otbasylyq qūndylyqtardy kórsetu jáne keńínen nasıhattau, kámelet jasyna tolǵan balalardyń eńbekke jaramsyz jáne qart ata-analaryna qamqorlyq tanytulary maqsatynda ótkízíledí.
«Mereılí otbasy» ūlttyq baıqauyn Qazaqstan Respublıkasynyń Tūńǵysh Prezıdentí – Elbasy Nūrsūltan Nazarbaev 2013 jyly bekítken bolatyn. Baıqau dástúrge aınaldy: memleketímízdíń damuyna úles qosqan otbasylar anyqtaluda, al būl ruhanıyat pen salauatty qoǵamdy qoldau úshín óte mańyzdy. Baıqau balalardyń talantyn ashudyń, kóńíl-kúıdíń, qūndylyqtarynyń qaınar kózí otbasy ekenín kórsetude. Bízdíń qalanyń jeńímpazdary – būl kóptegen almatylyqtar men qazaqstandyqtardyń kóptegen ūrpaqtaryna úlgí bolatyn otbasylar», - degen Almaty qalasy ákímíníń orynbasary Erjan Babaqūmarov jeńímpazdardy qūttyqtap, olarǵa zor densaulyq pen baq-bereke tíledí.
Baıqaudyń qalalyq kezeńíne qatysuǵa 142 otbasy ótínísh berdí. Nauryzbaı audanynyń Ahmetovter otbasy jeńímpaz atandy. Ahmetovter otbasynyń jūby – ekeuí de dáríger, kíshí qyzy men nemerelerí ata-analarynyń jolyn quǵan.
«Bízge erekshe kóńíl bólgenderíńízge óte rızamyz, būryn mūndaıdy kórgen emespíz. Bízdíń otbasymyzǵa nazar audarylyp, keremet syılyq jasaldy. Bíz otbasymyzdyń basqalarǵa úlgí bolǵanyna jáne Otanymyzdyń damuyna úles qosqanymyzǵa óte quanyshtymyz. Meníń jasym 85-te, joldasym 90-da. Bıyl úılengenímízdíń temír toıyn – nekede bolǵanymyzdyń 65 jyldyǵyn atap ótemíz. Barlyq nemerelerímdí óz balalarymdaı tárbıeledím, búgínde olar tabysty tūlǵalar. Bízdíń otbasymyzǵa abyroı men qūrmet kórsetílgeníne quanyshtymyz», - dedí Kúnsary Ahmetova.
Baıqaudy ótkízu jóníndegí qalalyq komıssıyanyń qūramyna qala ákímíníń áıelder jáne otbasylyq-demografıyalyq sayasat jóníndegí ınspektory, qalalyq basqarmalar basshylary, ÚEŪ ókílderí, Almaty qalasy qoǵamdyq keńesíníń múshelerí, qoǵam qaıratkerlerí jáne t.b. endí.
Almatyda audandyq deńgeıde jeńíske jetken otbasylar da marapattaldy:
- Alatau audany – Íztíleuovter otbasy barlyq ómírín bílím beru salasyna arnaǵan, jastardyń kóptegen buyndaryn tárbıelegen. Olar oqushylardyń bílímín arttyru maqsatynda «Zerde Education» oqu ortalyǵyn qūrǵan.
- Almaly audany – Sydyqovtar otbasy bílím, óner jáne qauípsízdík salasynda jūmys ísteıdí.
- Áuezov audany – Bílálovtar otbasynyń barlyq múshelerí bílím beru salasynda jūmys ísteıdí.
- Bostandyq audany – Bestembaevtar otbasy medıtsına salasyna aıtarlyqtaı úles qosty;
- Jetísu audany – Shomanbaevtar otbasy ekonomıka men kásípkerlík salasyna úles qosuda. Otaǵasy kásípkerlíktí qaıyrymdylyqpen ūshtastyruda.
- Medeu audany – kóp balaly Dáríbaevtar otbasy oquda jáne sportta jetístíkke jetken alty balany tárbıeleude.
- Túrksíb audany – kóp balaly Ábílǵazy otbasynyń múshelerí - óz ómírlerín óleńge, ádebıetke, muzykaǵa arnaǵan óner ókílderí. Jetí ūrpaqtan tūratyn Ábílǵazy otbasynyń shyǵarmashylyq tájírıbesí júz jyldan asady.
Aıta keterlígí, shara adamdardy kóp jınamaı, epıdemıologıyalyq normalardy qatań saqtaı otyryp óttí. Marapattauǵa kelgen qatysushylar vaktsınalanǵandar qatarynda.