Mınıstr ınternettegi aqaýlar týraly pikir bildirdi.
29 qyrkúıekte memlekettik tehnıkalyq qyzmet QR ınfraqurylymyna tolassyz shabýyldar tirkegen, dep habarlaıdy Almaty-akshamy.kz
«Onyń ne úshin jáne qaıdan kelgenin zerttep, ınfraqurylymdy qorǵaý deńgeıin arttyrý úshin tıisti jumystar júrgizilip jatyr. Bul jumystar boıynsha keıbir problemalar týyndaýy múmkin. Biraq memlekettik tehnıkalyq qyzmettiń basty mindeti – Qazaqstannyń barlyq resýrstaryn qorǵaýdy qamtamasyz etý», - dedi Baǵdat Mýsın Úkimet kýlýarynda tilshilerge bergen suhbatynda.
Onyń aıtýynsha, bul tek memlekettik ınfraqurylymdy qorǵaý úshin emes, tutas ınfraqurylym úshin de jasalady.
«Tipti belgili bir medıanyń saıttaryna shabýyldar jasaldy, bul barshańyzǵa aıan. Munyń aldyn alý úshin biz aqparattyq qaýipsizdik deńgeıin kóterýimiz kerek. Zertteý jumystary osy deńgeıdi arttyrýǵa baǵyttalǵan. Oqys oqıǵa bolyp, kedendik baqylaý kúsheıgende, logıstıkalyq marshrýttardyń ótý jyldamdyǵy tómendeıdi ǵoı, bul jerde de solaı», - deıdi mınıstr.