Aılyq ınflásıa 1,6%-dy qurady.
Ulttyq statısıka búrosynyń málimetinshe, 2022 jyldyń qazan aıynda Qazaqstanda aılyq ınflásıa 1,6%-dy qurady, jyldyq esepte 18,8%-ǵa ósti, dep habarlaıdy Almaty-akshamy.kz
Máselen, qazan aıynda 2022 jylǵy qyrkúıekpen salystyrǵanda azyq-túlik emes taýarlar men aqyly qyzmetter 1,7%-ǵa, azyq-túlik taýarlarynyń baǵasy 1,4%-ǵa qymbattady.
Jýǵysh zattar men tazalaý quraldarynyń baǵasy eń joǵary 5%-ǵa, kıim-keshek pen aıaq kıim, jeke zattar, turmystyq zattar 2,1%-ǵa, ydys-aıaq 1,9%-ǵa, toqyma buıymdary 1,7%-ǵa qymbattady. Kómir 2,1%-ǵa, otyn 1,7%-ǵa qymbattady.
Bul rette aqyly qyzmetterdiń baǵasy bir aıda 1,7%-ǵa ósti. Atap aıtqanda, baǵanyń qymbattaýy qonaqúı qyzmetterine 6%-ǵa, keshendi demalys uıymdaryna 4%-ǵa, demalys jáne sporttyq is-sharalar salasyndaǵy qyzmetterge 3,3%-ǵa, monshalarǵa 3%-ǵa, balalardy damytý ortalyqtaryna 2,9%-ǵa, qoǵamdyq tamaqtandyrý 2,2%-ǵa ósti.
Ónimderge keletin bolsaq, qazan aıynda olar jalpy alǵanda 1,4%-ǵa qymbattady. Qyzanaq 21%-ǵa, qıar 14,7%-ǵa, jumyrtqa 6,3%-ǵa, balyq jáne teńiz ónimderi 2,3%-ǵa, nan jáne un ónimderi 2,2%-ǵa, alkogólsiz sýsyndar 1,9%-ǵa, irimshik pen súzbe 1,8% qymbattady.
Bul rette sábiz 5,6%-ǵa, qyzylsha 5,5%-ǵa, pıaz 5,1%-ǵa, kartop 3,5%-ǵa, qyryqqabat 2,6%-ǵa arzandady.
Aıta keteıik, qant 2,3 paıyzǵa arzandady.
Jyldyq ınflásıa qazan aıynda 18,8%-ǵa ósti. Atap aıtqanda, azyq-túlik taýarlary 23,1%-ǵa, azyq-túlik emes taýarlary 17,9%-ǵa, aqyly qyzmetter 13,5%-ǵa qymbattady.
Ulttyq statısıka búrosynyń málimetinshe, 2022 jylǵy qańtardan bastap tutyný baǵalarynyń ındeksin qurý kezinde azyq-túlik taýarlarynyń úlesi 40,7%, azyq-túlik emes taýarlar 30,2%, aqyly qyzmetter 29,1% qurady.
Qyrkúıek aıynda Qazaqstanda ınflásıa 17,7%-dy qurap, bir aıda 1,8%-ǵa ósti.