Almaty ákimi Baqytjan Saǵyntaev Qytaıdyń Shenchjen qalasynyń meri Veıchjýn Sınmen beınekonferensıa baılanysy boıynsha yntymaqtastyq pen tájirıbe almasý máselelerin talqylady
Onlaın kezdesý barysynda Almaty ákimi B. Saǵyntaev pen Shenchjen qalasynyń meri Veıchjýn Sın eki qala arasyndaǵy ózara túsinistik týraly memorandýmǵa qol qoıdy, dep habarlaıdy Almaty-akshamy.kz
Ortaq múddeler salasynda – «aqyldy» qalalar, AT-tehnologıalar, energetıka, ınfraqurylym, mádenıet jáne óner, ekonomıka jáne saýda, bilim, týrızm. Taraptar tájirıbe almasý jáne ózara tıimdi yntymaqtastyq týraly kelisti.
Zamanaýı Shenchjen – Qytaıdyń ınovasıalyq astanasy, onda Nobel syılyǵynyń laýreattary, Túrıng syılyǵy jáne Fılds medaliniń ıeleri basqaratyn kóptegen zerthanalar quryldy.
Munda Huawei, Tencent, ZTE jáne basqa da kóptegen tanymal kompanıalar ornalasqan irgeli zertteý ınstıtýttary men ınovasıalyq ortalyqtar qurylady. Barlyq ýaqyt ishinde Shenchjen ǵylymı-tehnıkalyq ınovasıalar ortalyǵy, óńirlik qarjy jáne saýda-logıstıkalyq ortalyq retinde qalyptasty.
