30 qazanda bokstan 32-Azıa chempıonaty bastalady, jeńimpazdar 13 qarashada belgili bolady
30 qazanda Iordanıada qazaqstandyq sportshylardyń qatysýymen bokstan Azıa chempıonaty bastalady. Osyndaı jaýapty starttar qarsańynda Qazaqstan quramasynyń tálimgerleri Amman rınginde el namysyn qorǵaıtyn boksshylardyń esimin atady, dep habarlaıdy Almaty-akshamy.kz Zakon.kz-ke silteme jasap.
Qazaqstan barlyq 13 salmaq dárejesinde qatysady. Bul jolǵy tizim boks jankúıerlerine óte tanymal jáne tanys.
48 keli: Sanjar Táshkenbaı (Astana) – jastar arasyndaǵy álem jáne Azıa chempıony, Qazaqstan-2021 chempıony.
51 keli: Sáken Bıbosynov (Túrkistan oblysy) – 2020 jylǵy Olımpıada oıyndarynyń qola júldegeri jáne 2021 jylǵy álem chempıony.
54 keli: Sabyrhan Mahmýd (Shymkent) 2021 jylǵy álem chempıonatynyń fınalısi jáne jastar arasyndaǵy Azıa chempıonatynyń birneshe dúrkin jeńimpazy.
57 keli: Serik Temirjanov (Pavlodar oblysy) – 2021 jylǵy álem chempıonatynyń fınalısi jáne jastar arasyndaǵy Azıa chempıony.
60 keli: Samatáli Tóltaev (Mańǵystaý oblysy) – jastar arasyndaǵy Azıa chempıony, jastar arasyndaǵy álem chempıonatynyń fınalısi jáne Qazaqstan Respýblıkasy Spartakıadasynyń chempıony.
63,5 keli: Sanatáli Tóltaev (Mańǵystaý oblysy) – jastar arasyndaǵy Azıa chempıony jáne Azıa chempıonatynyń qola júldegeri.
67 keli: Dýlat Bekbaýov (Jambyl oblysy) Qazaqstan chempıony.
71 keli: Aslanbek Shymbergenov (Jambyl oblysy) – Azıa chempıony, Azıa oıyndarynyń fınalısi jáne Dúnıejúzilik Armıa oıyndarynyń eki dúrkin jeńimpazy.
75 keli: Nurqanat Raıs (Atyraý oblysy) Qazaqstan chempıony.
80 keli: Nurbek Oralbaı (Astana) – jastar arasyndaǵy álem chempıony jáne Qazaqstan chempıony.
86 keli: Saǵyndyq Toǵanbaı (Túrkistan oblysy) – jastar arasyndaǵy Azıanyń birneshe dúrkin chempıony, jastar arasyndaǵy álem chempıonatynyń fınalısi jáne Qazaqstan chempıony.
92 keli: Aıbek Oralbaı (Astana) – Jasóspirimder Olımpıadasynyń jeńimpazy jáne Qazaqstan chempıony.
+92 keli: Qamshybek Qońqabaev (Qyzylorda oblysy) – 2020 jylǵy Olımpıada oıyndarynyń qola júldegeri jáne álem chempıonatynyń fınalısi.
Bokstan Qazaqstannyń erler quramasy osy kúnderi Almaty oblysynyń taý bókterindegi oqý-jattyǵý jıynyn aıaqtap, 28 qazanda Ammanǵa ushady.
«Daıyndyq joǵary deńgeıde, Azıa chempıonaty qarsańynda esh qıyndyq kórgen joqpyz. Qazaqstandaǵy boks árqashan arnaıy esepte turady. BAÁ-de ótken Azıa chempıonatynda altynnan alqa taǵyna almadyq. Bul joly onyń ornyn toltyrǵymyz keledi. Sondyqtan medaldyq esepte birinshi komandalyq orynǵa daıyndalyp jatyrmyz», - deıdi Bokstan Qazaqstan Respýblıkasy erler quramasynyń bas bapkeri Qaırat Sátjanov.
30 qazanda bokstan 32-Azıa chempıonaty bastalady, jeńimpazdar 13 qarashada belgili bolady.