Prezıdentke Senattyń elimizdegi reformalardy zańnamalyq turǵyda qamtamasyz etý jónindegi jumysy týraly baıandaldy
Qasym-Jomart Toqaevqa Senattyń elimizdegi reformalardy zańnamalyq turǵyda qamtamasyz etý jónindegi jumysy týraly baıandaldy, dep habarlaıdy Almaty-akshamy.kz Aqordaǵa silteme jasap.
Prezıdentke Senattyń elimizdegi reformalardy zańnamalyq turǵyda qamtamasyz etý jónindegi jumysy týraly baıandaldy. Atap aıtqanda, Adam quqyǵy jónindegi ýákildiń, Konstıtýsıalyq Sottyń, Prokýratýranyń qyzmetin retteıtin konstıtýsıalyq zańdardyń jobalary týraly sóz qozǵaldy.
Prezıdentke qazirgi senatorlardyń qaraýynda qańtar oqıǵasyna qatysqan keıbir azamattarǵa raqymshylyq jasaý týraly zań jobasy men úsh jylǵa arnalǵan respýblıkalyq búdjet jobasy jatqany jóninde málimet berildi.
Máýlen Áshimbaevtyń aıtýynsha, Memleket basshysynyń óńirlerdi odan ári damytýǵa baǵyttalǵan tapsyrmalarynyń iske asyrylýyn qamtamasyz etý – palata jumysynyń negizgi basymdyqtarynyń biri.
Prezıdent Álemdik jáne dástúrli dinder kóshbasshylary seziniń ıdeıalary men qorytyndy qujatyn odan ári ilgeriletý jáne forýmdy damytýdyń 2023-2033 jyldarǵa arnalǵan tujyrymdamasyn ázirleý jóninde tapsyrma berdi.