Azıa chempıonaty 25 shildede máresine jetedi
Qazaqstandyq Denıs Polýboıarınov 17 jasqa deıingi jasóspirimder arasynda Azıa chempıony atandy, dep habarlaıdy Almaty-akshamy.kz QazAqparat-qa silteme jasap.
Qurlyqtyq dodada ol 81 kelide synǵa tústi. Nátıjesinde qossaıystyń qorytyndysymen 313 keli (140+173) salmaqty baǵyndyrdy. Derekkózdiń málimetinshe, endi ol 22 shildede 20 jasqa deıingi jastar arasyndaǵy Azıa chempıonatynda baq synaıdy. Eske salsaq, budan buryn el quramasynan Edige Emberdi (73 keli) pen Álisher Baıbýrov (67 keli) altyn aldy. Sondaı-aq, Arýjan Dáýletova (71 keli) kúmis medalǵa qol jetkizdi. Al Erasyl Omarov (55 keli) pen Azamat Tólgen (61 keli) qola júldeger atandy. Aıta ketsek, qurlyqtyq doda Ózbekstan astanasy Tashkent qalasynda ótip jatyr. Onda 13-17, 15-20 jas aralyǵynda júldeler sarapqa salynady. Sondyqtan keıbir sportshylar ekeýinde de synǵa túsedi. Qurlyqtyq dodaǵa uldardan 13, qyzdardan 9 aýyr atlet bardy. Azıa chempıonaty 25 shildede máresine jetedi.