Eń birinshi talap – kandıdattyń 25 jasqa tolýy.
Ortalyq saılaý komısıasynyń múshesi Erlan Daýylbaev aýyl ákimine kandıdattyń sáıkestigin anyqtaý jumysy qalaı júrgiziletinin baıandady, dep habarlaıdy Almaty-akshamy.kz "Egemen Qazaqstan" basylymyna silteme jasap.
Onyń aıtýynsha, kandıdattarǵa qoıylatyn birneshe talap bar eken. Iaǵnı kandıdat aýyldyq mańyzy bar qala, aýyl, kent, aýyl okrýgi ákimi bolyp saılaný úshin Qazaqstan azamaty «Saılaý týraly» Konstıtýsıalyq zańda, «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» Zańynyń 36-babynda jáne memlekettik qyzmet salasyndaǵy zańnamada kózdelgen mynadaı talaptarǵa sáıkes kelýge tıis.
«Birinshi, kandıdattyń 25 jasqa tolǵandyǵy. Ekinshi, zańda belgilengen tártippen tanylǵan is-áreketke qabilettiligi, sottylyǵynyń bolmaýy jáne sybaılas jemqorlyq qylmys, sybaılas jemqorlyq quqyq buzýshylyq jasaýynyń bolmaýy. Úshinshi, memlekettik qyzmet salasyndaǵy zańnamanyń talaptaryna sáıkestigin tıisti aýdandyq saılaý komısıasy usynǵan qujattar negizinde memlekettik qyzmet isteri jónindegi ýákiletti organ anyqtaıdy», – dedi Erlan Daýylbaev.
Budan bólek, Erlan Daýylbaev aýyl ákimine kandıdattyń sáıkestigin anyqtaý jumysy qalaı júrgiziletinin de baıandady. Onyń aıtýynsha, aýmaqtyq saılaý komısıasy kandıdat usynylǵannan keıin onyń zańnamada qoıylatyn talaptarǵa sáıkestigin anyqtaý prosesine dereý kirisedi.
«Bul úshin azamattyǵyn anyqtaý maqsatynda ishki ister organdaryna, zańda belgilengen tártippen ótelmegen nemese alynbaǵan sottylyǵyn, zańda belgilengen tártippen tanylǵan sybaılas jemqorlyq qylmysynyń, sybaılas jemqorlyq quqyq buzýshylyǵynyń bolmaýyn prokýratýra organdarynan, kandıdattardyń memlekettik qyzmet týraly zańnyń talaptaryna sáıkes jáne osy laýazymǵa qoıylatyn biliktilik talaptaryna sáıkestigin belgileý turǵysynan Memlekettik qyzmet isteri jónindegi óńirlik departamentterge tıisti suraýlar jiberiledi. Jumysqa tartylǵan joǵaryda atalǵan memlekettik organdar jedel tártippen derekterdiń tıisti deńgeıde tekserilýin jáne nátıjeleriniń aýmaqtyq komısıalarǵa dereý usynylýyn qamtamasyz etýleri qajet», – dedi Ortalyq saılaý komısıasynyń múshesi.