Densaýlyq saqtaý mınıstrligi josparly aýrýhanaǵa jatqyzýǵa daıyndyq rásimderin jeńildetti, dep habarlaıdy aqshamnews.kz.
DSM emhanalar men stasıonarlardaǵy medısınalyq kómekke qoljetimdilikti arttyrý maqsatynda halyqaralyq standarttarǵa saı dıagnostıkalyq rásimderdi ońtaılandyrý jumystaryn júrgizdi, dep málimdedi vedomstvonyń baspasóz qyzmeti.
Jańa standartqa sáıkes, jalpy tizimde stasıonarlyq jaǵdaıda somatıkalyq beıindegi naýqastardy emdeýge qajet negizgi 13 zertteý anyqtaldy.
Sonymen birge, birqatar zerthanalyq aspaptyq zertteý nátıjeleriniń jaramdylyq merzimi 10 kúnnen 14 kúnge deıin, 1 aıdan 6 aıǵa deıin uzartylyp, bul aýrýhanaǵa jatqyzýǵa daıyndyq úderisin aıtarlyqtaı qysqartýǵa septik etti, – dep qosty mınıstrlik.
Dıagnostıkalyq rásimderdi standarttaý men ońtaılandyrý qajetsiz shyǵyndardy azaıtyp, halyqtyń qaltasynan shyǵatyn aqshany tómendetýge baǵyttalǵan. Bul ózgerister medısına resýrstaryn tıimdi paıdalanyp, naýqastarǵa túsetin júktemeni azaıtýǵa yqpal etedi.