Aýǵanstanǵa somasy $4 mln-dy quraıtyn un jetkizý týraly kelisim jasaldy.
Qazaqstan tarapynan oǵan tamaq ónerkásibi salasyndaǵy eksporttaýshy kásiporyndarynyń 18 ókili (un, makaron, kondıterlik ónimder, sýsyndar, sút ónimderi) qatysty. Bıznes-forým alańynda kásipkerler Aýǵanstanǵa somasy $4 mln-dy quraıtyn un jetkizý týraly kelisim jasady.
Bıznes-forým alańynda Aýǵanstanda Qazaqstan saýda úıiniń ashylǵany týraly habarlandy, negizgi keńse Gerat qalasynda ornalasatyn bolady.
«Saýda úıiniń negizgi mindetteri – eki el arasyndaǵy saýda-ekonomıkalyq qatynastaryn járdemdesý jáne jandandyrý, Qazaqstan men Aýǵanstan arasyndaǵy taýar aınalymyn ulǵaıtý, aımaqtyq saýda-ekonomıkalyq, telekomýnıkasıalyq, kólik jáne logıstıkalyq baılanystardy damytý, aımaq elderimen saýda jasaý úshin Aýǵanstannyń tranzıttik jáne shekara mańyndaǵy áleýetin paıdalaný, Qazaqstan ekonomıkasyna ınvestısıalar tartý», - delingen habarlamada.
İs júzinde Qazaqstannyń saýda úıi Qazaqstan men Aýǵanstandaǵy «B2B» formatyndaǵy is-sharalar uıymdastyrýdy qamtamasyz ete otyryp, qazaqstandyq jáne aýǵandyq isker toptar arasyndaǵy platformaǵa aınalýǵa arnalǵan. Ol úshin onyń bazasynda eksporttalatyn otandyq taýarlar men qyzmetter, saýda salasyndaǵy zańnama, damý perspektıvalary men problemalyq sátterge marketıńtik zertteýler men taldaý júrgizý, qazaqstandyq jáne aýǵandyq isker tortarǵa usynystar ázirleý jáne ózara is-qımyldyń basqa da máseleleri boıynsha konsaltıńtik ortalyq qurylatyn bolady.
