Atyraý qalasynyń turǵyny Ádil Jubanov Ortalyq qalalyq klınıkalyq aýrýhanasyna "jedel járdem" kóligin syılady, dep habarlaıdy Almaty-akshamy.kz QazAqparatqa silteme jasap.
«Bıylǵy jyl jantúrshigerlik oqıǵadan bastaldy. Halqymyz úshin osyndaı bir qıyn-qystaý kezeńinde, sondaı-aq, Prezıdentimizdi jáne onyń «Kúshimiz - birlikte» degen uranymen bastalǵan úndeýin qoldaı otyryp, kómek kórsetýdi jón kórdim. Qańtardaǵy qaıǵyly oqıǵanyń bizdiń memleketimizge qanshalyqty shyǵyn ákelgeni bárimizge málim. Órtengen İİM avtokólikteri, áskerı mashınalar jáne jedel járdem kólikteri. Búgingi kúni búkil halyq birlesip qolynan kelgenshe óz kómegin kórsetýde. Men jáne meniń otbasym halqymyzǵa shuǵyl kómek kórsetý maqsatymen "jedel járdem" kóligin syılaıyq dep sheshtik», - dedi Ádil Jubanov.
Ortalyq qalalyq klınıkalyq aýrýhanasynyń dırektory Ulyqbek Medeýbekovtyń aıtýynsha, "jedel járdem" kóligi gemodıalızden ambýlatorlyq túrde emdelip jatqan pasıentterdi tasymaldaý úshin qoldanylady.
«Mundaı kómek medısınalyq kómek kórsetýdi jaqsarta túsýi abzal jáne de bul bizge óte mańyzdy» - deıdi Ortalyq qalalyq klınıkalyq aýrýhanasynyń dırektory.
