2021 jyldyń qorytyndysy boıynsha 17 540 etnıkalyq qazaq tarıhı otanyna oralyp, qandas mártebesin aldy. Jalpy, 1991 jyldan beri respýblıkaǵa 1 mıllıon 87,8 myń etnıkalyq qazaq oraldy, dep habarlaıdy Almaty-akshamy.kz QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
2021 jyly Qazaqstanǵa kelgen qandastardyń jartysynan astamy (76,2%) Ózbekstannan, 9,7% – QHR-dan, 6% – Túrikmenstannan, 2,6% – Mońǵolıadan jáne 5,7% – basqa elderden kelgen.
Kelgen etnıkalyq qazaqtar negizinen Almaty (28,5%), Mańǵystaý (19%), Túrkistan (13%) jáne Jambyl (7,8%) oblystaryna, sondaı-aq Shymkent (10,5%) qalasyna qonystandy.
Osy jylǵy 1 qańtardaǵy jaǵdaı boıynsha eńbekke qabiletti jastaǵy etnıkalyq qonys aýdarýshylar sany 55,2%-dy, eńbekke qabiletti jastan kishiler 28%-dy jáne zeınetkerler 16,8%-dy quraıdy.
Eńbekke qabiletti jastaǵy qandastardyń ishinen bilim deńgeıi boıynsha 11,1%-ynyń joǵary bilimi, 40,1%-ynyń orta kásibı bilimi, 45,6%-ynyń jalpy orta bilimi bar jáne 3,1%-ynyń bilimi joq.