Japonıa Qorǵanys teńiz kúshteri orkestri Astanaǵa keldi.
Orkestr halyqaralyq áskerı-sazdy festıválge qatysady. Bul is-shara Elordanyń 25 jyldyq mereıtoıy sheńberinde ótpek, dep habarlaıdy Almaty-akshamy.kz.
Mýzykanttar Kúnshyǵys eliniń mádenı murasyn tanystyryp, otandyq avtorlardyń da shyǵarmalaryn oryndaıdy. Japonıanyń Qazaqstandaǵy Elshisi Djýn Iamada orkestrdiń Orta Azıaǵa alǵash ret aıaq basqanyn aıtady, -dep jazdy 24.kz. Bul sapar qos eldiń mádenı-gýmanıtarlyq saladaǵy baılanysyn nyǵaıta túspek deıdi ol.
- Biz Japonıa Qorǵanys kúshteriniń 69 jyldyǵyna oraı qabyldaý ótkizip, qonaqtardy kútip aldyq. Japonıadan 50 mýzykant keldi. Olar qazaqstandyqtarǵa qýanysh syılap, merekemen quttyqtaý úshin keldi. Olardyń konserti kópshiliktiń kóńilinen shyǵady dep oılaımyn,-deıdi Japonıanyń Qazaqstandaǵy Tótenshe jáne ókiletti elshisi Djýn Iamada.