Ortalyq qyzmetkerleri ónertabysqa 10 patent ıegeri atandy.
Astanada 3D prınterde basylǵan omyrtqa pasıentke sátti ornatyldy, dep habarlaıdy Almaty-akshamy.kz.
Ulttyq neırohırýrgıa ortalyǵy omyrtqany ımplantqa aýystyrý boıynsha ǵylymı jobany júzege asyrdy. Ortalyqta 4 pasıentke derbes 3D ımplantatty qoldana otyryp, omyrtqany aýystyrý otasy sátti júrgizildi. Bul týraly Densaýlyq saqtaý mınıstrliginiń baspasóz qyzmeti habarlady.
Neırohırýrgıalyq praktıkada alǵash ret «Ghalam» JSHS ǵarysh apparattaryn óndirýshilerimen birlesip pasıentke jeke 3D omyrtqa basyp shyǵarý arqyly ımplantat jasaldy. Germanıanyń Ýlm qalasyndaǵy Travmatologıa jáne bıomehanıka ınstıtýtynda ımplantattarǵa bıomehanıkalyq testileý júrgizildi.
UNO dárigerleri manıpýlásıa júrgizý kezinde kompremasıalyq ásersiz julynnyń anatomıalyq jáne fýnksıonaldyq mańyzdy qurylymdaryn saqtaýǵa múmkindik beretin omyrtqany aýystyrýdyń arnaıy qurylǵysy men ádisin ázirledi.
Pasıentterdi bir jyl boıy baqylaý ımplantatpen baılanysty asqynýlardy anyqtaǵan joq, ómir sapasynyń kórsetkishteri aýrý bastalǵanǵa deıingi kórsetkishterge qaıta oraldy.
Osy ǵylymı jobanyń qorytyndylary 2-den joǵary ımpakt-faktory bar bedeldi halyqaralyq resenzıalanatyn jýrnaldarda jarıalandy, sondaı-aq monografıa jarıalandy.
Ulttyq neırohırýrgıa ortalyǵynyń qyzmeti barysynda barlyǵy 7 ǵylymı joba, iske asyrý satysynda taǵy 3 joba oryndaldy. Ortalyq qyzmetkerleri ónertabysqa 10 patent ıegeri atandy.