Merekelik konsertterdi telearnalardan tamashalaýǵa bolady.
Epıdemıologıalyq jaǵdaıǵa baılanysty Astana kúnine arnalǵan merekelik sharalar onlaın túrde ótedi. Bul týraly 2 shilde kúni «Astana kúnine oraı Almatyda ótkiziletin is-sharalar» taqyrybyna ótken onlaın baspasóz-konferensıasy barysynda Almaty qalasynyń mádenıet basqarmasy basshysynyń orynbasary Danıar Alıev aıtty, dep habarlaıdy Almaty-akshamy.kz.
«Bas sanıtardyń qaýlysyna sáıkes, is-sharanyń barlyǵy onlaın túrde ótedi. Burynǵy mamyrajaı kúnge ekpe saldyrý arqyly tezirek jetemiz degen úmittemiz. Eger sol úmitimiz aqtalsa, aldaǵy kúz mezgilindegi Qala kúni merekesin offlaın túrde ótkizemiz degen oıdamyz», – dedi Danıar Alıev.
Spıkerdiń aıtýynsha, almatylyqtar meıramǵa arnalǵan konsertter men merekelik sharalardy telearnalar arqyly tamashalaı alady.