Erbolat Dosaev Memleket basshysyna 2021 jyldyń birinshi jartyjyldyǵyndaǵy aqsha-kredıt saıasatyn iske asyrýdyń aldyn ala qorytyndysy jóninde esep berdi.
Memleket basshysyna depozıtterge kepildik berý júıesine qatysýshy bankterdi baǵalaý modeli usynyldy jáne sıfrlyq qarjylyq ekojúıelerdi teńgerimdi retteý jónindegi tásilder týraly aıtyldy, dep habarlaıdy Almaty-akshamy.kz Akorda.kz-ke silteme jasap.
Sondaı-aq Qazaqstan ekonomıkasynyń ósimin 3,6-3,9 paıyz deńgeıde jaqsartý jáne koronavırýstyń jańa shtamdarynyń saldarynan el ekonomıkasyn qaıta qalpyna keltirýge kedergi bolatyn negizgi qaýip-qaterler týraly baıandaldy.
Prezıdentke bıylǵy 6 aıdaǵy ınflásıanyń 7,9 paıyzǵa deıin jedel ósýi, ishki azyq-túlik naryqtaryndaǵy teńgerimsizdik, sondaı-aq, syrtqy ınflásıalyq qysymnyń kúsheıýi jáne ortalyq bankterdiń aqsha-kredıt sharttaryn qatańdatýǵa kóshý úrdisi jaıynda aıtyldy.
Qasym-Jomart Toqaevqa Qazaqstannyń valúta naryǵyndaǵy ahýal, Ulttyq banktiń altyn-valúta qory men Ulttyq qor aktıvteriniń jaı-kúıi jóninde aqparat berildi.
Sonymen qatar Erbolat Dosaev halyq salymdarynyń turaqty túrde dollarsyzdanyp kele jatqany, ekonomıkanyń naqty sektoryn nesıeleýdiń ósýi jáne qazaqstandyq bankaralyq tólem kartochkalarynyń júıesin qurý josparynyń júzege asyrylýy týraly baıandady.
Kezdesý qorytyndysy boıynsha Prezıdent birqatar naqty tapsyrma berdi.