Áskerı polısıa qyzmetine qatysty zańnama aktilerine ózgerister engizilýde
Qazaqstannyń Qorǵanys mınıstrligi «Áskerı polısıa organdary qyzmetiniń máseleleri boıynsha zań aktilerine ózgerister men tolyqtyrýlar engizý týraly» zań jobasyn ázirledi, dep habarlady Almaty-akshamy.kz. QR Qorǵanys mınıstrliginiń saıyna silteme jasap.
Qazaqstan Respýblıkasynyń «Áskerı qyzmet jáne áskerı qyzmetshilerdiń mártebesi týraly» zańyna ózgerister engiziledi. «Áskerı polısıa organdarynyń qyzmetkeri» degen uǵym «áskerı polısıa organdarynyń áskerı qyzmetshisi» dep ózgertildi.
QR «Qazaqstan Respýblıkasynyń qorǵanysy jáne Qarýly Kúshteri týraly» zańynyń áskerı polısıa organdaryna qatysty bóliginde redaksıalyq ózgeris engizildi. Atap aıtqanda, «áskerı polısıa» uǵymy «áskerı polısıa organdary» dep aýystyryldy.
Budan ózge, Prezıdent Ákimshiliginiń nusqaýyna sáıkes, joǵaryda atalǵan zańǵa tolyqtyrýlar engizilýde. Tolyqtyrýlarda áskerı josparlaý júıesin Memleket basshysy bekitip, Qorǵanys mınıstrligine ony ázirleý fýnksıasy beriledi.
Buıryq jobasymen 2021 jylǵy 21 maýsymǵa deıin ashyq normatıvtik quqyqtyq aktiler portalynda kelesi silteme boıynsha tanysýǵa bolady: https://legalacts.egov.kz/npa/view?id=9279739.