Selektorlyq keńeste «Adaldyq alańy» jobalyq keńsesiniń jumysyn uıymdastyrý máseleleri qaraldy
Atalǵan keńes Mınıstrlik Apparatynyń basshysy Marat Ábilahatuly Orazaevtyń tóraǵalyǵymen jáne mınıstrliktiń basshy quramynyń, aýmaqtyq bólimsheleri men vedimistik baǵynysty uıymdary basshylarynyń qatysýymen beınekonferensbaılanys arqyly ótkizildi, dep habarlady Almaty-akshamy.kz. Aýyl sharýashylyǵy mınıstrliginiń habaryna silteme jasap.
Keńes barysynda sybaılas jemqorlyq quqyq buzýshylyq faktilerin azaıtý, salalyq NQA-daǵy sybaılas jemqorlyq táýekelderin joıý, memlekettik qyzmetterdi kórsetý sapasyn jáne ýaqtylylyǵyn arttyrý, memlekettik qyzmetterdi kórsetý prosesterin avtomattandyrý, sondaı-aq ósimdikterdi qorǵaý jáne karantın jáne veterınarıa salalaryndaǵy sybaılas jemqorlyq táýekelderine syrtqy taldaýdyń qorytyndylaryna sáıkes, QR Sybaılas jemqorlyqqa qarsy is-qımyl agenttigi bergen usynymdardy oryndaý boıynsha vedomstvolar men qurylymdyq bólimsheler tarapynan atqarylǵan sharalar qaraldy.
Apparat basshysy sybaılas jemqorlyq quqyq buzýshylyqtardyń aldyn alý boıynsha, onyń ishinde QR Sybaılas jemqorlyqqa qarsy is-qımyl agenttiginiń usynymdaryn iske asyrý júrgizetin jumysty kúsheıtý qajettiligin atap ótti.
Sondaı-aq, keńes barysynda «Adaldyq alańy» jobalyq keńsesiniń jumysyn uıymdastyrý máseleleri qaraldy.
Keńes qorytyndysy boıynsha, mınıstrliktiń qurylymdyq bólimsheleriniń, vedomstvolarynyń, aýmaqtyq bólimsheleriniń jáne vedimistik baǵynysty uıymdarynyń basshylaryna aýyl sharýashylyǵynyń tıisti salalarynda sybaılas jemqorlyqqa qarsy is-qımyl boıynsha jumystyń tıimdiligin arttyrý, onyń ishinde mınıstrlik qyzmetiniń barlyq baǵyttary boıynsha sybaılas jemqorlyq kórinisterin joıýǵa baǵyttalǵan is-sharalardy ýaqtyly jáne sapaly oryndaý boıynsha birqatar naqty tapsyrmalar berildi.