Joba qatysýshylarynyń jumysyna ózgerister engizildi.
QR Bas memlekettik sanıtar dárigeri Erlan Qıasovtyń Ashyq jobasyn engizýge qatysty jańa qaýlysy jarıalandy, dep habarlaıdy Almaty-akshamy.kz.
Atalǵan qaýlynyń 4-qosymshasyna sáıkes, Ashyq jobasyna qatysatyn áleýmettik-ekonomıkalyq obektilerdiń qyzmetin shekteý ólshemsharttaryna sáıkes barlyq obektileriniń jumysyna: jumys kúnderi – Ashyq jobasyna qatysýshy barlyq obektiler úshin saǵat 00.00-ge deıin, Ashyq jobasynyń kóshbasshylary úshin – saǵat 02.00-ge deıin; demalys kúnderi – saǵat 02:00-ge deıin, qyzmetkerler men kelýshilerde «jasyl mártebe» bolǵan jaǵdaıda (vaksınasıa, synama alǵan kezden bastap 7 táýlikten aspaıtyn teris nátıjesi bar PTR test, turaqty medısınalyq qarsy kórsetilimderi bar, aýyryp jazylǵan adamdar sońǵy 3 aı ishinde) Ashyq jobasynyń kóshbasshylary úshin – saǵat 02:00-ge deıin ruqsat etiledi.
«Osy tarmaqta kózdelgen «jasyl mártebe» bolýyna jáne jumys rejımin shekteýge qoıylatyn talap oblysaralyq jáne oblysishilik turaqty tasymalǵa, otelderge, qonaq úılerge, áýejaılarǵa, temirjol, avtomobıl jáne sý vokzaldaryna, ózne jáne teńiz porttaryna, avtostansıalarǵa/avtomobıl ótý joldaryna, jolaýshylarǵa qyzmet kórsetý pýnktterine, bilim berý obektilerine, JOO-ǵa, kolejderge, ınternattarǵa, bilim berý uıymdarynyń jataqhanalaryna qoldanylmaıdy»,– delingen.