Er adamdy toq soqqan
"Arselor Mıttal Temirtaý" AQ kásiporyny terıtorıasynda taǵy da jumysshy qaza tapty, dep habarlaıdy Almaty-akshamy.kz.
BAQ-ta keltirilgen derekke súıensek, qaıǵyly oqıǵa №2 qańyltyr tartý sehynyń hımıalyq blogyndaǵy kúrdeli jóndeý jumystaryn júrgizý kezinde oryn alǵan. Er adamdy toq soqqan. Oqıǵa ornyna dárigerler kelip, zardap shegýshige alǵashqy medısınalyq kómek kórsetken. Alaıda ol esin jımastan kóz jumdy.
"Arselor Mıttal Temirtaý" AQ-tyń merdiger uıymy jumysshysynyń qaza bolý faktisi boıynsha QR QK 156-babynyń 3-bóligi, ıaǵnı "Eńbekti qorǵaý erejelerin buzý" boıynsha qylmystyq is tirkeldi. Tergeý amaldary qolǵa alyndy", - dedi Qaraǵandy oblysy PD baspasóz qyzmeti.