Úırenýshilerdiń daǵdylardy ıgerýine qaraı atys jattyǵýlaryn oryndaý sharttary kúrdelene tústi.
Mamandyq boıynsha daıyndyq áskerı qyzmetshilerdi oqytýdyń praktıkalyq atystarmen aıaqtalatyn mańyzdy kezeńderiniń biri sanalady, dep habarlaıdy Almaty-akshamy.kz.
Qarýly Kúshterdegi josparly sabaqtar barysynda ártúrli atys qarýlary men jaýyngerlik mashınalardyń qarý-jaraqtarynan apta saıyn bir jarym myńnan astam atys oryndaldy. Onyń 30 paıyzy túngi jaǵdaıda júzege asqanyn aıta ketý kerek.
Áskerı-áýe kúshterinde sabaqtar avıasıalyq quraldardy qoldana otyryp ótse, Áskerı-teńiz kúshterinde keme ekıpajdary kemeniń jaýyngerlik atystaryn iske asyrdy.
Tájirıbelik sabaqtardyń bári atys jattyǵýlary túrinde ótkizildi. Onda komandırlerge urys kezindegi atysty basqarý, al sarbazdarǵa atys tehnıkasymen jáne qarý-jaraqpen áreket etý úıretildi.
Sabaqtar alǵan bilimderi men daǵdylaryn nyǵaıtýǵa, atys daıyndyǵyn oqytýdaǵy kemshilikterdi anyqtaýǵa molynan múmkindik beredi. Onyń nátıjelerin taldaý áskerı qyzmetshilerdiń atys daǵdylaryn arttyrý sharalaryn qabyldaýǵa negiz bolady.
Úırenýshilerdiń daǵdylardy ıgerýine qaraı atys jattyǵýlaryn oryndaý sharttary kúrdelene tústi.
İs-sharalar qaýipsizdik erejelerine sáıkes, qatań túrde uıymdastyryldy. Oqý oryndarynda atys aldynda jetekshiler jeke quramǵa nusqaýlyq-ádistemelik sabaqtar ótkizdi. Sondaı-aq, atysqa daıyndyq jattyǵýlaryn oryndaý barysynda qaýipsizdik sharalaryn saqtaý boıynsha nusqaýlyq júrgizildi.