Armenıanyń Ulttyq kitaphanasynda naýryz aıynda ótetin Qazaqstan Respýblıkasy Parlamenti Májilisiniń kezekten tys saılaýyna arnalǵan dóńgelek ústel ótti.
İs-sharaǵa Ulttyq kitaphananyń basshylyǵy men qyzmetkerleri, Armenıanyń sarapshylar qoǵamdastyǵynyń, qoǵamdyq uıymdary men BAQ ókilderi qatysty, dep habarlaıdy Almaty-akshamy.kz Elorda.info saıtyna silteme jasap.
Qatysýshylarǵa Prezıdent Qasym-Jomart Toqaevtyń bastamashy etken saıası jáne ekonomıkalyq jańǵyrtýdyń aýqymdy baǵdarlamasy týraly tolyq aqparat berildi. Konstıtýsıalyq reformaǵa sáıkes jańa jáne básekelestik jaǵdaıda ótetin parlamenttik saılaýdy daıyndaý jáne ótkizý máselelerine erekshe nazar aýdaryldy. Armán sarapshylary qazirgi jahandyq syn-qaterler jaǵdaıynda Qazaqstandaǵy ekonomıkalyq jáne saıası ózgeristerdiń mańyzdylyǵyn atap ótip, saılaýdyń sátti ótýin tileı otyryp, Qazaqstan Respýblıkasy basshylyǵynyń saıasatyn joǵary baǵalady.
Ulttyq kitaphana dırektory Anna Chýlán ekijaqty mádenı-gýmanıtarlyq jáne ǵylymı-akademıalyq baılanystardyń údemeli damýyna nazar aýdardy. Ol Armenıa men Qazaqstannyń ulttyq kitaphanalary arasyndaǵy yntymaqtastyq baǵdarlamasy aıasynda Astanaǵa kelýge nıet bildirip, sondaı-aq kitaphana qory men qyzmetterin sıfrlandyrý aıasyndaǵy Armenıanyń tájirıbesimen bólisýge daıyn ekenin aıtty. Shara barysynda Armenıa Ulttyq kitaphanasynyń Qazaq ádebıeti ortalyǵyna qazaq jazýshylarynyń kitaptary tabystaldy.