Almatyda qońyraý soǵýdy ótinip, telefondy qaıtarmaǵan alaıaq anyqtaldy.
Tártip saqshylarynyń málimetinshe, B. esimdi azamat túsiniksiz jaǵdaılardy aıtyp, ótip bara jatqan adamdardan «mańyzdy qońyraý» jasaý úshin uıaly telefondaryn suraǵan.
«Janashyr jandar osyndaı qarapaıym ótinishten bas tartpaǵan, al kúdikti bolsa, qurylǵyny alǵannan keıin qashyp ketken. Qazir ustalǵan azamattyń osyndaı 5 alaıaqtyqqa qatysy bar ekendigi anyqtaldy. Olar boıynsha sotqa deıingi tergeýdiń biryńǵaı tizilimine QR QK-niń 190 babyna (Alaıaqtyq) sáıkes qylmystyq is tirkeldi. Kúdikti ýaqytsha ustaý ızolátoryna qamaldy», – deıdi, Almaly aýdandyq PB-na qarasty polısıa bóliminiń bastyǵy Batýrjan Abdýmasarov.
Tártip saqshylary aldanǵandardyń odan da kóp bolýy múmkin ekenin joqqa shyǵarmaıdy. Sondyqtan olar azamattardy ustalǵan adamdy tanyǵan jaǵdaıda myna telefon nómirleri arqyly habarlasýǵa shaqyrady: 8-701-269 – 05-65.