Osyndaı ataýmen Astanada respýblıkalyq ǵylymı-tájirıbelik konferensıa ótti.
Shara barysynda belgili bolǵandaı, álemniń 14 elinen Qazaqstan tarıhyna qatysty 7000-nan astam qujat pen qoljazba satyp alynǵan, dep habarlaıdy Almaty-akshamy.kz.
Olardyń hronologıalyq sheńberi 973 pen 1990 jyldar aralyǵyn qamtıdy. Konferensıada sol qujattardyń barlyǵyn ǵylymı aınalymǵa engizý máselesi talqylandy.
Budan bólek birneshe kitaptyń tusaýy kesildi. «Otanyna oralǵan qujattyq qazyna» jınaǵy jáne Ahmet Baıtursynulynyń 150 jyldyǵyna arnalǵan 12 tomdyq shyǵarmalar jınaǵy kópshiliktiń nazaryna usynyldy.
«Bul 12 tomdyqtyń bir ereksheligi sol, bul eńbekte Ahańnyń shyǵarmalary kırılmen aýdarylǵanymen birge qarama-qarsy bette onyń sol túp nusqasy ekeýi qatar berilip otyr. Sondyqtan Ahańnyń shyǵarmalary kezinde qandaı tártippen jazyldy, sol kúıinde beriledi», - alashtanýshy Sultan-Han Aqqululy.