Májiliske mass-medıa týraly zań usyný josparlanyp otyr - mınıstr.
Aqparat jáne qoǵamdyq damý mınıstri Darhan Qydyráli Túrkistan oblysyndaǵy BAQ basshylarymen kezdesýinde kópshilikti búgingi kúni mınıstrlik tarapynan atqarylyp jatqan jumystarmen tanystyryp ótti, dep habarlaıdy Almaty-akshamy.kz Elorda.info saıtyna silteme jasap.
Sondaı-aq jýrnalıserdi daıyndaý men biliktiligin arttyrý jáne statýsyn kóterý turǵysynan júzege asatyn jobalar týraly aıtty.
«Májiliske usynylýy josparlanyp otyrǵan mass-medıa týraly zańnyń basym baǵyty bul jýrnalıserdiń statýsyn kóterýge baǵyttalǵan. Birinshiden, jýrnalıserge áleýmettik jaǵdaı jasaý kózdelip otyr. Biraq bul jýrnalısiń sóz bostandyǵyn shektemeıdi. Jeńildetilgen nesıe alýyna, baspanamen qamtylýyna múmkindik beredi», – dedi ol.
Sondaı-aq mınıstr zań jobasyna sáıkes BAQ ókilderiniń aqparatqa qoljetimdiligi artatynyn aıtyp ótti.
«Jýrnalıske beriletin jaýaptyń merzimin qysqartýdy usynyp jatyrmyz. Jýrnalıstik zertteýge qatysty bolatyn kez kelgen aqparatqa jýrnalıs jeńil qol jetkizýi kerek», - dedi mınıstr.
Kezdesýde Darhan Qýandyquly bas redaktorlardyń usynystaryn tyńdap, aýdandyq, qalalyq basylymdardyń jaı-kúıine qatysty týyndaǵan suraqtarǵa keń kólemde jaýap berdi.