Depýtattar bir kúndik jalaqysyn «Qazaqstan halqyna» qoryna aýdardy
Senat pen Májilis depýtattary el Prezıdenti Qasym-Jomart Toqaevtyń «Qazaqstan halqyna» qoǵamdyq áleýmettik qoryn qurý týraly bastamasyn qoldaı otyryp, ózderiniń bir kúndik jalaqysyn osy qorǵa aýdardy, dep habarlaıdy Almaty-akshamy.kz 24.kz-ke silteme jasap
Memleket basshysy Qasym-Jomart Toqaev 11 qańtarda Májilis otyrysynda sóılegen sózinde «Qazaqstan halqyna» qoǵamdyq áleýmettik qoryn qurýdy tapsyrǵan bolatyn.
Qor densaýlyq saqtaý, bilim berý jáne áleýmettik qoldaý salasyndaǵy naqty problemalardy sheshýmen aınalysatyn bolady.
El Prezıdenti atap ótkendeı, qorda jınaqtalǵan qarjy sırek kezdesetin aýrýlary bar balalarǵa kómek kórsetýge, qalalarda, aýdandarda, kentterde, aýyldarda balalarǵa arnalǵan sport nysandaryn salýǵa, qabiletti balalarǵa qoldaý kórsetýge jáne basqa da áleýmettik maqsattarǵa baǵyttalatyn bolady.