Jedel-járdem qosalqy stansasynyń bir brıgadasy táýligine shamamen 20 shaqyrtý alǵan
Aptap ystyqtyń saldary ınfarkt pen ınsýlt alýǵa deıin jetkizýi múmkin, dep habarlaıdy Almaty-akshamy.kz Almaty.tv-ge silteme jasap.
Kúnniń kúrt ysýynan aýrýhanaǵa túsetin naýqastar jıiledi degen №4 emhananyń dárigerleri kúnine 12 adamǵa deıin em-dom surap keletinin aıtady. Al jedel-járdem qosalqy stansasynyń bir brıgadasy táýligine shamamen 20 shaqyrtý alǵan.
«Kúnniń ystyǵyna baılanysty kóptegen naýqasqa keri áserin berip jatyr. Bylaısha aıtqanda gıpertermıa dep aıtamyz. Kúnniń ystyǵynan dene qyzýy kóterilip, tek qana denege ǵana emes, sonymen qatar arterıa qan qysymy da áser etedi. Gıpertermıaǵa álsiz adamdar kimder? Olar balalar jáne úlken kisiler qarttar deýge bolady», – dedi №4 qalalyq emhananyń nevropatolog dárigeri Jazıra Muhamedqalıeva.