Balyqshy rezeńke qaıyqpen shyqqan
Alakólde sýǵa batyp bara jatqan balyqshy qutqaryldy, dep habarlaıdy Almaty-akshamy.kz Almaty oblysy TJD baspasóz qyzmetine silteme jasap.
2022 jylǵy 24 maýsym kúni tańǵy saǵat 6:20-da qutqarýshylar púltine Aqshı aýylynda Alakól kóliniń jaǵalaýynan 1 shaqyrym qashyqtyqta kýágerler tóńkerilgen qaıyqty baıqaǵany týraly habarlama kelip tústi.
Alakól óńiriniń, Aqshı aýylynyń Jedel-qutqarý jasaǵynyń qutqarýshylary dereý shaqyrtý ornyna shyqty.
«Shaqyrý ornyna kelgen boıda 1968 jyly týǵan er adam, Almaty qalasynyń turǵyny rezeńke qaıyqta, balyq aýlaý kezinde qatty jeldiń saldarynan, qaıyq aýdarylyp ketkeni anyqtaldy. Balyqshy tóńkerilgen Qaıyqtyń janynda sýda boldy»,-delingen habarlamada.
Er adam qaýipsiz jaǵaǵa evakýasıalandy, medısınalyq kómek qajet emes edi. Qutqarylǵan adamǵa sýdaǵy qaýipsizdik erejeleri jáne sýda qutqarý keýdeshesinsiz júrýdiń saldary týraly túsindirme áńgime júrgizildi.
Qutqarýshylar azamattardy sýdaǵy barlyq qaýipsizdik sharalaryn saqtaýǵa shaqyrady.