Kelesi jyldyń basynan bastap medısınalyq anyqtamalardyń 8 túri, onyń ishinde eńbekke ýaqytsha jaramsyzdyq paraǵy jáne eńbekke ýaqytsha jaramsyzdyq týraly anyqtama tek elektrondyq túrde beriletin bolady, dep habarlaıdy aqshamnews.kz
Azamattarǵa yńǵaıly bolý úshin ózderimen birge qaǵaz anyqtamalardy alyp júrý qajettiligi bolmaıdy, olardyń kelisimimen elektrondyq anyqtamalar talap boıynsha belgili bir mekemelerge beriletin bolady.
Osy qyzmetterdi elektrondyq formatqa kóshirý úshin qazirgi ýaqytta «Ambýlatorıalyq-emhanalyq kómek» AJ arqyly aqparattyq júıelerdi ıntegrasıalaý boıynsha jumystar júrgizilýde.
Kelesi medısınalyq anyqtamalar elektrondyq formatqa kóshiriletin anyqtamalar:
- Eńbekke ýaqytsha jaramsyzdyq paraǵy
- 075 / e «Medısınalyq anyqtama»
- 026 / e «DKK qorytyndysy»
- 073 / e «TQ basqarýǵa ruqsat týraly anyqtama»
- 069 / e «Sanatorıılik-kýrorttyq karta»
- 052-2 / e «Balanyń densaýlyq pasporty»
- 076 / e «Qarýǵa ruqsat alý»
- 038 / e «Eńbekke ýaqytsha jaramsyzdyq týraly anyqtama».
eGov Mobile mobıldi qosymshasynda azamattarǵa ózderiniń jeke medısınalyq derekterine qol jetkizýge múmkindik beretin «edensaulyq» bólimi iske asyrylǵanyn atap ótken jón.