Almatyda KIA markaly kólikti mas kúıde basqarǵan Ózbekstan azamaty ustaldy.
Oqıǵa túngi saǵat 00:45 shamasynda Aınabulaq turǵyn aýdanynda bolǵan, dep habarlaıdy aqshamnews.kz.
Polısıa málimetinshe, júrgizýshi ortasha dárejedegi mas kúıde bolyp, kólik basqarýǵa quqyǵy joq ekeni anyqtaldy. Sonymen qatar, ol 2023 jyly dál osyndaı quqyq buzýshylyq úshin buryn júrgizýshi kýáliginen aırylǵany belgili boldy.
Polısıanyń aıtýynsha, bul áreketter qylmystyq quqyq buzýshylyq retinde qarastyrylady. Júrgizýshi ýaqytsha ustaý ızolátoryna qamalyp, is boıynsha aldyn ala tergeý bastaldy. Sot onyń qamaýǵa alynýyn sanksıalady.
Qoldanystaǵy zań boıynsha, mundaı quqyq buzýshylyq úshin aıyptalýshyǵa 5 jylǵa deıin bas bostandyǵynan aıyrý jazasy kózdelgen.