112 laýazymdy tulǵa áshkerelendi.
Sybaılas jemqorlyqqa qarsy is-qımyl agenttigi memlekettik qyzmetshiler tarapynan bıznestiń jumysyna zańsyz aralasý jáne bızneske qysym jasaý faktilerin anyqtaý boıynsha júıeli jumys júrgizýde, dep habarlaıdy Almaty-akshamy.kz Inbusiness.kz silteme jasap.
Bul týraly Sybaılas jemqorlyqqa qarsy is-qımyl agenttiginde Agenttik Tóraǵasynyń orynbasary Asqat Jumaǵalıdyń basshylyǵymen Sybaılas jemqorlyqqa qarsy qyzmet jumys tobynyń jáne "Atameken" Ulttyq palatasynyń kezekti keńeıtilgen otyrysy barysynda belgili boldy.
"Jyl basynan beri osyndaı 72 fakt anyqtaldy, olar boıynsha 165 sotqa deıingi tergeý bastaldy, 112 laýazymdy tulǵa áshkerelendi, onyń 65-i sottaldy. Zańsyz áreketterdiń kópshiligi para alýmen baılanysty, sonyń ishinde oryndalǵan jumystardyń aktilerine qol qoıý, ruqsat qujattaryn berý jáne basqalary jatady. Olardyń jalpy qurylymdaǵy úles salmaǵy 80% qurady",- Agenttiktiń baspasóz qyzmetiniń habarlamasynda.
Sybaılas jemqorlyqqa qarsy qyzmettiń tergeýshileri joǵaryda kórsetilgen barlyq faktiler boıynsha memlekettik organdar basshylyǵynyń atyna sybaılas jemqorlyq qylmystar jasaýǵa yqpal etken mán-jaılardy joıý jóninde usynystar engizdi.
Sondaı-aq, keńes barysynda 2022-2026 jyldarǵa arnalǵan sybaılas jemqorlyqqa qarsy saıasat tujyrymdamasyn iske asyrý jónindegi is-sharalar josparynyń oryndalý barysy talqylandy.
"Atap aıtqanda, sybaılas jemqorlyqqa qarsy standarttardy engizgen jáne qoldaıtyn jeke kásipkerlik sýbektileri úshin memlekettik satyp alý kezinde jeńildikter, preferensıalar, shartty jeńildikter jáne basqa da qoldaý sharalaryn engizý máselesi qaraldy (is-sharalar josparynyń 15-tarmaǵy)", - delingen aqparatta.
Keńes qorytyndysy boıynsha 2022-2026 jyldarǵa arnalǵan sybaılas jemqorlyqqa qarsy saıasat tujyrymdamasyn iske asyrý jónindegi is-sharalar josparyn oryndaý boıynsha naqty usynystar ázirlendi.