Kúızelispen kúresý úshin sarapshylar sportpen shuǵyldanyp, ózine kútim jasaýǵa shaqyrady.
AQSH dárigerleri teriniń saýlyǵyn saqtap, jas kórinýge múmkindik beretin bes tásildi atady. Bul týraly Eat This, Not That! basylymy jazdy, dep habarlaıdy Almaty-akshamy.kz
Adamnyń ózin jaqsy sezinip, jaqsy kórinýi úshin terini artyq kún sáýlesinen mindetti túrde qorǵaý kerek, durys tamaqtanýdy ustanyp, temeki shekpegen jón, sportpen jıi shuǵyldanyp, kúızelisti jeńe bilýdi úırený kerek.
Dáriger Todd Kohtyń aıtýynsha, kúızelis - adamnyń óz jasynan úlken kórinýine ákeletin sebepterdiń biri. Sebebi onyń saldarynan teri jasýshalary buzylyp, nátıjesinde ol tonýsy men ıilgishtigin joǵaltady. Kúızelispen kúreste mamandar sportpen shuǵyldanýǵa jáne adamnyń ózine kóbirek kútim jasaýyna shaqyrady.
Dáriger Kler Chan últrakúlgin sáýlesiniń shekten tys áseri teri jamylǵysynyń zaqymdalýyna, melanınniń kóp bólinýine jáne shamadan tys pıgmenttenýge ákeletinin eske saldy. Odan bólek, kún sáýlesi teriniń erte qartaıýyna da ákelýi múmkin. Chan terini kúnnen qorǵaýdy barynsha erterek qolǵa alýǵa keńes berdi. Jas kúnińizden terińizdi kútseńiz, bul jas qalpyńyzdy saqtaýǵa múmkindik beredi.
Al dermatolog Donna Hart temekiniń zıany týraly aıtty. Shylym tartý da terige tikeleı áser etedi. Tabak ónimderi adam terisiniń óz túsin joǵaltýyna, qurǵaqtyqqa jáne teriniń bosaýyna ákeledi.
"Temekini qoıǵan adamda birneshe aıdyń ishinde S dárýmeni bólinip, kollagender da qalypqa kele bastaı . Tereń emes ájimder budan keıin ózdiginen joıylady", - dep atap ótti Hart.
Denege arnalǵan shynyqtyrý jattyǵýlaryn únemi jasaý da aǵzany jasartýǵa ákeledi. Dermatolog Devıd Benkstiń aıtýynsha, denege túsken kúsh kıslorod pen dárýmenderdiń adamnyń dene múshelerine jyldam jetýine múmkindik beredi.