Almatyda otandyq ónim shyǵarýdy jalǵastyrady, dep atap ótti Indýstrıaldy aımaqtyń dırektory Ádil Amralın
Óndiristik kásiporyndarǵa salynǵan ınvestısıalardyń jalpy somasy 7,2 mıllıard teńgeni quraıdy. Kompanıalardyń arqasynda júzdegen jumys orny ashylady, dep habarlaıdy Almaty-akshamy.kz
Ádil Amralın ótken aptada Almatyda qala ákimi Baqytjan Saǵyntaevtyń qatysýymen Óńirlik úılestirý keńesiniń otyrysy ótkenin atap ótti. İs-shara qorytyndysy boıynsha ındýstrıalyq aımaq qatysýshylarynyń tizilimine 3 jańa jobany engizý qabyldandy. Olardyń ishinde «Halavet KZ» - jelatın óndiretin zaýyt qurylysy boıynsha, «Green Innovation-2030» - ósimdikterdi mıkroklonaldy kóbeıtýdiń joǵary tehnologıalyq zerthanasyn qurý boıynsha jáne «Almaty aýyr mashına jasaý zaýyty» - aýyr mashına jasaý zaýytyn salý boıynsha.
2021 jyly Óńirlik úılestirý keńesiniń 4 otyrysy ótkizildi, onda 2,5 myńnan astam jumys ornyn qura otyryp, jalpy somasy 71 mlrd teńgege 22 jańa jobany qosý týraly sheshim qabyldandy. Jańa kásiporyndar salý úshin bıyl jalpy aýdany 58,8 gektar jer telimderi bólindi. Bul negizinen tamaq ónerkásibi, qurylys materıaldaryn óndirý, mashına jasaý jáne óńdeý ónerkásibi salalaryndaǵy kásiporyndar.
Osylaısha, Almaty Indýstrıalyq aımaǵynyń qatysýshylary 65 kompanıa bolyp tabylady, olar 8163 jumys ornyn qurýmen 258,4 mlrd teńgege 67 jobany iske asyrady. Búginde 19 joba iske asyryldy, 282,8 mlrd teńgeniń ónimi óndirildi, 3177 jumys orny quryldy.
AIA dırektory 2022 jyly 9 jobany iske qosý josparlanyp otyrǵanyn habarlady: VALTHERM, «Kama Qazaqstan SÚ», «Álem Tynysy» City Stone, TEPLOSTIL, Stroy Production, TECHNOKONT, «KazPromVent», «ElektroBar», jalpy somasy 7,2 mlrd teńge, 507 jumys orny ashylady.
Qosymsha aldaǵy jyly 3 shaǵyn ónerkásiptik parkti iske qosý josparlanýda: D&J «Investments & Logistic», «Qazaq Plast» JSHS, Alatau Industrial Park, sondaı-aq jalpy aýdany 21 300 sh.m., 380 jumys ornyn qurýmen jumys istep turǵan «ADS Industries» jáne «KazStroyTrade» MKP ekinshi kezeńderi.
2025 jylǵa deıin jalpy ınvestısıa somasy 130,8 mlrd teńge bolatyn, 4034 jumys orny ashylatyn 35 jobany iske asyrý josparlanǵan.
Ádil Amralın búginde Almatynyń Indýstrıaldy aımaǵy aýmaǵynyń jalpy alańy 490 gektardy quraıtynyn eske saldy. Investısıalyq jobalardy iske asyrý úshin 244,9 ga, 81,1 ga jer bólindi.