Mańǵystaý oblysynda pyshaq jaraqatynan 44 jastaǵy áıel qaza tapty. Marqum – jeti balanyń anasy, olardyń beseýi kámelet jasyna tolmaǵan, dep habarlaıdy Aqshamnews.kz tilshisi Lada.kz saıtyna silteme jasap.
Polısıa málimetinshe, oqıǵa 29 qańtarda Jańaózen qalasynda bolǵan. Qylmys jasady degen kúdikpen áıeldiń jubaıy ustalyp, ýaqytsha ustaý ızolátoryna qamaldy.
Aldyn ala derek boıynsha, erli-zaıyptylar arasynda turmystyq janjal shyǵyp, sońy qaıǵyly jaǵdaımen aıaqtalǵan. Atalǵan fakti boıynsha QR Qylmystyq kodeksiniń 99-baby 2-bóligi («Adam óltirý») boıynsha qylmystyq is qozǵalyp, tergeý amaldary júrgizilip jatyr.