Ustalǵandar qamaýǵa alyndy.
Bul toptyń quramynda Tájikstan men Qyrǵyzstannyń eki azamaty men jergilikti turǵyn bolǵan, dep habarlaıdy Almaty-akshamy.kz Polisia.kz-ke silteme jasap.
«Barlyǵy úsh adam ustaldy. Basty rólderdi 42 jáne 39 jastaǵy sheteldikter ózara «bólisken». Olar – oryndaýshylar. Tasymaldaýmen bizdiń jerlesimiz, Almaty oblysynyń turǵyny aınalysqan. Ol 35 jasta. Qaskóıler áshkerelený qarsańynda Shoqaı kóshesiniń boıynda ornalasqan jeke úılerdiń birin tonap ketken. Quqyq buzýshylardyń bóten adamnyń úıine tereze arqyly kirgeni anyqtaldy. Olardyń sol kezdegi oljasy sıfrlyq, turmystyq tehnıka, sonymen qatar úı ıesiniń jeke zattary boldy. Er adam «kelýshilerden» keltirilgen materıaldyq shyǵyndy 45 000 teńgege baǵalaǵan», – dedi Almaty qalalyq PD Krımınaldyq polısıa basqarmasynyń bastyǵy Qýatbek Naýatov.
Spıkerdiń aıtýynsha, polısıanyń arnaıy jasaqtary men Medeý aýdandyq polısıa qyzmetkerleriniń kómegimen júrgizilgen jedel jáne arnaıy is-sharalar nátıjesinde«gastrolerler» ustaldy.
«Biz bul “trıo” jasaǵan basqa epızodtardy da joqqa shyǵarmaımyz, osy baǵytta jumysty jalǵastyramyz. Sonymen qatar, urlanǵan múlikti satý arnasyn anyqtaımyz», – dedi Naýatov.